Oawer Kulturhus Borne

’t Kulturhus is ’t gebouw woar leerd wördt, spöld, leazen en leafd. Doar woar a’j biej mekaa komt, woar niks hoof en woar heel völ meugelijk is.

Hier stoat wiej veur

Hier stoat wiej veur

't Kulturhus “De Bijenkorf” (Biejenkoarf) Boorn, is et der um te doon good op de heugte wean. Doarbiej wil ze zich zich rekkenschop geven um met eure veurzeningen, voortbrengsels en deensten de leu in Boorn ’n good geveul geven deur ’t beleaven van cultuuren ze tehope te brengen. Doarbiej wilt wiej de leu zo völ meugelijk met loaten doon an verschiedene projecten.

Et Kulturhus wil benaamd ne plaatselijke, sociale en culturele infrastructuur oetdeanken, ontwikkelen en tot staand brengen, woarin inwonners eur eagen richting könt geven an ’t culturele en maatschappelijke leaven.

 

4 kernwaarden

Biej mekaa brengen

Wiej doot met an ’t biej mekaa brengen van de leu. Wiej doot dat duur oons te loaten zeen en duur tehope te wearken met inwonners en en verenegingen en zodöanig ’t noaberschop te bevorderen. Wiej helpt biej ’t oetdeanken van culturele, educatieve en maatschappelijke activiteiten dee betrökkenhead en verbeundenhead an wierskaanten stimuleert. Wiej beedt het Kulturhus an as middelpeunt vuur individuele börgers, verenegingen, zelfstaandige oondernemmers en huurders.

Almoal

Wiej bunt der vuur almoal. Um dat vuur mekaa te kriegen wilt wiej oonze  doelgroepen kennen, ansloeten woarat ze belang biej hebt en inspöllen op eure vroagen. Wiej zölt initiatieven steunen, inspireren en oetneugen um met te doon as anbeder of as gebroeker. Wiej loat weten wat wiej doot en bunt der stöadig op oet um oonszölf te verbetteren.

Oetdagen

Wiej daagt oe oet, um gangs te goan met verniejen, drieft an en komt oe temeute in oonze umgeving, mekaa en oonszölf. In ’t oetdagen zit nen prikkel um met dörf vuuroet te blieven bewegen. Wiej vertrouwt doarmet energie op te wekken vuur oonze umgeving en oonszölf. Met maatschappelijk oondernemmerschop beedt wiej kaansen vuur initiatieven van oonze inwonners. Duur meender kaders en vrieje ruumte te maken prebeert wiej inspiratie en initiatieven an te jagen.

Eavenwich

Wiej nemt de verantwoording vuur ne gezoonde en professionele bedriefsvoering, et anboren van nieje gealdbronnen en et oonderhoolden van ne opbouwende relatie met de gemeente Boorn. Wiej weagt risico’s en maakt zuvere keuzes nich allenig vuur ’n haandel mar ok vuur de moatschoppelijke meerwearde oonder beding dat zee biejdreagt an ’t vuur mekaa kriegen van oonze doelstellingen.

Gealdzaken

Gealdelijke verantwoording van de Stichting Kulturhus De Bijenkorf Boorn kö’j anvroagen biej ’n directeur Frank Droste duur nen e-mail te sturen noar
frank.droste@kulturhusborne.nl

ANBI-hoodöanighead

De officiële naam van ’t Kulturhus Boorn is Stichting Kulturhus De Bijenkorf Borne. De stichting is ANBI-hoodöanig met RSIN-nummer 8523.33.821 en is inschreven biej de Kamer van Koophandel oonder nummer 56855524.

 

Bestuur

Kees Feenstra - vuurzitter
Sipke Jager - gealdhoolder
Annette Lohuis - schriever
Timon Schrooten - lid (gealdelijke kemissie)
Marianne Stevelink - lid (2e vuurzitter)

Downloads

Vragen of telefonisch boeken?

Bel 074 265 72 00

Kulturhus, het gebouw waar wordt geleerd, gespeeld, gelezen en geleefd, waar je ontmoet, niks hoeft en waar heel veel mogelijk is.

Meer over Kulturhus
IK HEB
EEN MOOI
IDEE!

Kom d'r in dan
ku'j d'r oet kieken